( ಈ ಹಾಡು "ಮಳೆಯಲಿ ಜೊತೆಯಲಿ" ಚಿತ್ರದ, "ನೀ ಸನಿಹಕೆ ಬಂದರೆ ಹೃದಯದ ಗತಿಯೇನು.." ಎಂಬ ಹಾಡಿನ ರಾಗದಲ್ಲಿ ಬರೆದ ಹೊಸ ಸಾಹಿತ್ಯ..)

ಈ ನಯನದಿ ಮಿನುಗುವ ಒಲವಿನ ಮಣಿ ನೀನೇ.... ನೀನೇ ಏನೇ?! , ಹೇಳೇ ಜಾಣೆ..

ಬಾರೆ ಬಳಿಗೆ , ಒಂದು ಘಳಿಗೆ ,
ನನ್ನ ಮಿಡಿವ ಹೃದಯದೆಡೆಗೆ...

ಈ ಜಗದಲಿ ಮುಗಿಯದ ಚೆಲುವಿನ ಗಣಿ ನೀನೇ.... ನೀನೇ ತಾನೆ ?!, ಬೇರೆ ಕಾಣೆ..||

ನೀನಂತೂ ಪೂರ್ಣಚಂದಿರನ , ಬಣ್ಣಾಟದ ಈ ಕಲೆಯಂದ..

ಸೋತೆ ನಾ, ಹೊಂದಿಸಲು ನಿನ್ನ, ಕಣ್ಣೋಟದ ಈ ಪದಬಂಧ.. |

ನಿನ್ನ ಒಲುಮೆ, ಸಿಹಿ ನಲುಮೆ, ಅರಳಿಸಿಹುದು ಖುಷಿ ಚಿಲುಮೆ..

ನಿನ್ನ ಜೊತೆಗೆ , ನನ್ನ ನಡಿಗೆ,
ನಡೆ ನೇರ, ಕನಸಿನೆಡೆಗೆ..||

ಈ ನಯನದಿ ಮಿನುಗುವ ಒಲವಿನ ಮಣಿ ನೀನೇ.... ನೀನೇ ಏನೇ , ಹೇಳೇ ಜಾಣೆ..|

ಅತೀಮಧುರ ನಿನ್ನ ನೆನಪೇ, ಮನದ ತುಂಬಾ ಹೊನ್ನ ಬೆಳಕು..

ಪ್ರತೀಕ್ಷಣವೂ ನಿನ್ನ ಹೆಸರ ಸ್ಮರಣೆಯೊಂದೇ ನನ್ನ ಬದುಕು.. |

ಕರೆಯೋಲೆ ನೀಡುವೆ ನಿನಗೆ, ಭವ್ಯ ಪ್ರಣಯದ ದಿಬ್ಬಣಕೆ,

ಬಂದು ಒಮ್ಮೆ ಸಂತೈಸು, ಕಾದು ಕೂತ ಈ ಜೀವಕೆ.. 

ನಿನ್ನ ಸಲುಗೆ, ಬೀಸೋ ಬಲೆಗೆ,
ಬಿದ್ದ ಮೇಲೆ, ನೀನೇ ನನಗೆ..||

ಈ ನಯನದಿ ಮಿನುಗುವ ಒಲವಿನ ಮಣಿ ನೀನೇ.... ನೀನೇ ಏನೇ , ಹೇಳೇ ಜಾಣೆ..
ಈ ಜಗದಲಿ ಮುಗಿಯದ ಚೆಲುವಿನ ಗಣಿ ನೀನೇ.... ನೀನೇ ತಾನೆ , ಬೇರೆ ಕಾಣೆ....||