( ಈ ಹಾಡು "ಪೃಥ್ವಿ" ಚಿತ್ರದ, "ನಿನಗೆಂದೇ ವಿಶೇಷವಾದ ಮಾಹಿತಿ ನನ್ನಲ್ಲಿ.." ಎಂಬ ಹಾಡಿನ ರಾಗದಲ್ಲಿ ಬರೆದ ನೂತನ ಸಾಹಿತ್ಯ..)

ನನಗೇನೋ ಅಪಾರವಾದ ಸಂತಸ ಕಣ್ಣಲ್ಲಿ..
ನಿನಗೇನೇ ಅಪಾರವಾದ ಮಾನಸ ನನ್ನಲ್ಲಿ..
ಈಗ ಭೂಮಿ ಬಾನು ಎಲ್ಲವ, ನಾನು ಮರೆತೆನು ನಿನ್ನಲ್ಲಿ...|

ನನಗೇನೋ ಅಪಾರವಾದ ವಿಸ್ಮಯ ಕಂಡಲ್ಲಿ..
ನಿನಗೇನೇ ಅಪಾರವಾದ ನಲ್ಮೆಯು ಇನ್ನಿಲ್ಲಿ..
ಬೇಗ ಪ್ರೇಮಜಾಲವ ರೂಪಿಸಿ, ನನ್ನ ಬಚ್ಚಿಡು ನಿನ್ನಲ್ಲಿ...||

ಈ ಕಣ್ಣಲಿ ಕಂಡ ಒಲವೀಗ.. ಹುಣ್ಣಿಮೆಯಲಿ ಮೊರೆವ ಕಡಲಂತೆ..
ನನ್ನುಸಿರಲಿ ನಿನ್ನ ಹೆಸರಿಗ.. ತಂಗಾಳಿಗೆ ಕಂಪು ಬೆರೆತಂತೆ..
ಸವಿನೆನಪಗನ್ನಡಿಯನು ನಾ ಹೊರತೆಗೆದೆ ನನ್ನೆದೆಯಲಿ.. ಬರಿ ಕಂಡೆ ನಿನ್ನದರಲಿ.. ಹೋ ಹೋ..
ಹೊಸ ಕನಸಿನಂಗಡಿಯನು ನಾನು ತೆರೆದೆ ಈ ಮನದಲಿ.. ನೀ ದೋಚಿದೆ ನಗೆಯಲಿ.. ಹೋ ಹೋ...||1||

ನನಗೇನೋ ಅಪಾರವಾದ ಸಂತಸ ಕಣ್ಣಲ್ಲಿ..
ನಿನಗೇನೇ ಅಪಾರವಾದ ಮಾನಸ ನನ್ನಲ್ಲಿ..
ಈಗ ಭೂಮಿ ಬಾನು ಎಲ್ಲವ, ನಾನು ಮರೆತೆನು ನಿನ್ನಲ್ಲಿ...|
 

ನೀನಿಲ್ಲದೆ ಕ್ಷಣವೂ ಯುಗದಂತೆ.. ಆವರಿಸು ನೀ ನನ್ನನೀಗಿಂದೆ..
ನೀ ನಡೆಯಲು ಸನಿಹ ಬಿಡದಂತೆ.. ನಾ ನಡೆಯುವೆ ನಿನ್ನ ನೆರಳಂತೆ..
ಸಿಹಿ ನಿನ್ನ ಒಡನಾಟವ ನೆನೆದು, ಖುಷಿಯು ತುಳುಕಾಡಿದೆ.. ಇನ್ನೊಮ್ಮೆ ಬೇಕಿನಿಸಿದೆ.. ಹೋ ಹೋ..
ಹಿತವಾದ ಕಣ್ಣೋಟವ ಬಯಸಿ ಮನವು ಚಡಪಡಿಸಿದೆ.. ನನ್ನೊಮ್ಮೆ ನೋಡು ಬರಿದೆ...||2||
ಹೋ ಹೋ...

ನನಗೇನೋ ಅಪಾರವಾದ ವಿಸ್ಮಯ ಕಂಡಲ್ಲಿ..
ನಿನಗೇನೇ ಅಪಾರವಾದ ನಲ್ಮೆಯು ಇನ್ನಿಲ್ಲಿ..
ಬೇಗ ಪ್ರೇಮಜಾಲವ ರೂಪಿಸಿ, ನನ್ನ ಬಚ್ಚಿಡು ನಿನ್ನಲ್ಲಿ...||..