Friday, July 29, 2011

( ಈ ಹಾಡು, " ಮಿಲನ " ಚಿತ್ರದ  "ನಿನ್ನಿಂದಲೇ..ನಿನ್ನಿಂದಲೇ.." ಎಂಬ ಹಾಡಿನ ರಾಗದಲ್ಲಿ ಬರೆದ ಹೊಸ ಸಾಹಿತ್ಯ..)


ನಿನ್ನಂದವೇ.. ನಿನ್ನಂದವೇ.. ಮನದಲ್ಲಿ ಹರಿದಾಡಿದೆ..
ನಿನ್ನಂದವೇ.. ನಿನ್ನಂದವೇ.. ಕ್ಷಣದಲ್ಲೇ ಸೆರೆಮಾಡಿದೆ..|
ಈ ಹೊಸದಾದ ಬಲುರಮ್ಯ ರೋಮಾಂಚನ, ನೀ ಭೇಟೀಲೇ ಹೆಣೆದಾಗ ಅನುಬಂಧವೇ..
ನಿನ್ನ ಪಿಸುಮಾತೆ  ಸವಿಜೇನಿನ ಸಿಂಚನ, ಈಗೆಲ್ಲೆಲ್ಲೂ ನಿನ್ನಂದ ಸೌಗಂಧವೇ...||
ನಿನ್ನಂದವೇ.. ನಿನ್ನಂದವೇ.. ಮನದಲ್ಲಿ ಹರಿದಾಡಿದೆ..
ನಿನ್ನಂದವೇ.. ನಿನ್ನಂದವೇ.. ಕ್ಷಣದಲ್ಲೇ ಸೆರೆಮಾಡಿದೆ....

ಕೋಲ್ಮಿಂಚಿನ ಹಾಗೆ ಹೊಳೆವ ನಗುವು, ಚಾಚಿದೆ ನಿನ್ನ ತುಟಿಗಳಲಿ..
ಕಣ್ಣಂಚಿನ ಲೇಖನಿಯಲೇ ಒಲವ, ಗೀಚಿದೆ ಎದೆಯ ಪುಟಗಳಲಿ..
ನಿನ್ನಂದಕೆ.. ಎದುರಾಗದೆ..
ಮಲೆಬಿಲ್ಲೇ ಮರೆಯಾಗಿದೆ...||೧||

ನಿನ್ನಂದವೇ.. ನಿನ್ನಂದವೇ.. ಮನದಲ್ಲಿ ಹರಿದಾಡಿದೆ..
ನಿನ್ನಂದವೇ.. ನಿನ್ನಂದವೇ.. ಕ್ಷಣದಲ್ಲೇ ಸೆರೆಮಾಡಿದೆ..

ಹೊಳೆಯಲ್ಲಿನ ಆಳ ಸುಳಿಯಂತೆ ನನ್ನ, ಒಳಗೆಳೆದೆ ಒಡನೆ ಪ್ರೀತಿಯಲಿ..
ಬಳಿ ನೀನು ಕುಳಿತೀಗ ತೋಳಲಿ ನನ್ನ, ಬರಸೆಳೆದುಕೋ ಬಿಡದ ರೀತಿಯಲಿ..
ಈ ಚೇತನ.. ಈ ಜೀವನ..
ನಿನಗೇನೆ ಮುಡಿಪಾಗಿದೆ..||೨||

ನಿನ್ನಂದವೇ.. ನಿನ್ನಂದವೇ.. ಮನದಲ್ಲಿ ಹರಿದಾಡಿದೆ..
ನಿನ್ನಂದವೇ.. ನಿನ್ನಂದವೇ.. ಕ್ಷಣದಲ್ಲೇ ಸೆರೆಮಾಡಿದೆ..|
ಈ ಹೊಸದಾದ ಬಲುರಮ್ಯ ರೋಮಾಂಚನ, ನೀ ಭೇಟೀಲೇ ಹೆಣೆದಾಗ ಅನುಬಂಧವೇ..
ನಿನ್ನ ಪಿಸುಮಾತೆ, ಸವಿಜೇನಿನ ಸಿಂಚನ, ಈಗೆಲ್ಲೆಲ್ಲೂ ನಿನ್ನಂದ ಸೌಗಂಧವೇ...||