Wednesday, October 26, 2011

( ಈ ಹಾಡು, "ಜಾನಿ ಮೇರಾ ನಾಮ್-ಪ್ರೀತಿ ಮೇರಾ ಕಾಮ್" ಚಿತ್ರದ, "ಯಾವ ಸೀಮೆಯ ಮಾಯಗಾತಿಯೇ.." ಎಂಬ ಹಾಡಿನ ಧಾಟಿಯಲ್ಲಿ ಬರೆದ ಹೊಸ ಸಾಹಿತ್ಯ..)

ಪ್ರೇಮಗೀತೆಯ ರೂಪರೇಖೆ ನೀ,
ನನ್ನ ಮುನ್ನುಡಿ.. ಇನ್ನು ಮುನ್ನಡಿ..
ಕ್ಷೇಮವಾರ್ತೆಯ ನಿತ್ಯನೌಕೆ ನೀ,
ನಿನ್ನ ಕಣ್ಣಡಿ.. ಮೋಹಗನ್ನಡಿ..
ನನ್ನೊಮ್ಮೆ ಮರೆಸುತಾ ನಿಂತೆ ರಮಿಸುತಾ ರಾಗಿಣಿ..
ಮತ್ತೊಮ್ಮೆ ಸೆಳೆಯುತಾ ಬಂದೆ ಹೊಳೆಯುತಾ ರೋಹಿಣೀ..||

ಪ್ರೇಮಗೀತೆಯ ರೂಪರೇಖೆ ನೀ..........

ಮಾತಲೇ, ತೀರದ ತಂಪು ಕಂಪೆರೆವೆ ನೀನು..
ಮೌನದ ಕಡಲಲೂ ಮುತ್ತು ಕಟ್ಟಿರುವೆಯೇನು.?!!
ಭಾವರಾಶಿಯಿಂದ ಇಂದು,ಮೂರ್ತಿವೆತ್ತ ಕಿನ್ನರಿ..
ನಿನ್ನ ಸ್ವಪ್ನ ಕಂಡ ಮೇಲೆ, ಮತ್ತ ಈ ಪರಿ..
ಜಿನುಗಿಬಾ.... ಭರಿಸಲು.. ಎದೆಯನು..||೧||


ಪ್ರೇಮಗೀತೆಯ ರೂಪರೇಖೆ ನೀ,
ನನ್ನ ಮುನ್ನುಡಿ.. ಇನ್ನು ಮುನ್ನಡಿ....

ಅಂದದಿ ಗೋಚರ, ನೂರು ಹೊಂಬಣ್ಣ ಸಾಲು..
ಮುಂದಿನ ಈ ಸ್ವರ, ನೀಡು ನನಗೊಂದು ಪಾಲು..
ಸ್ಪರ್ಶದಲ್ಲೇ ಜೀವ ಧನ್ಯ, ನೀನು ಬಾನಿನ ನದಿ..
ಚಿತ್ತದಲ್ಲೇ ದೃಶ್ಯವಾದ, ಸುಧಾಕೌಮುದಿ..
ಗುನುಗಿಹೆ.... ಅನುದಿನ.. ಒಲವನು..||೨||

ಪ್ರೇಮಗೀತೆಯ ರೂಪರೇಖೆ ನೀ,
ನನ್ನ ಮುನ್ನುಡಿ.. ಇನ್ನು ಮುನ್ನಡಿ..
ಕ್ಷೇಮವಾರ್ತೆಯ ನಿತ್ಯನೌಕೆ ನೀ,
ನಿನ್ನ ಕಣ್ಣಡಿ.. ಮೋಹಗನ್ನಡಿ..
ನನ್ನೊಮ್ಮೆ ಮರೆಸುತಾ ನಿಂತೆ ರಮಿಸುತಾ ರಾಗಿಣಿ..
ಮತ್ತೊಮ್ಮೆ ಸೆಳೆಯುತಾ ಬಂದೆ ಹೊಳೆಯುತಾ ರೋಹಿಣೀ..||

Saturday, October 8, 2011

(ಈ ಹಾಡು  "ಪಂಚರಂಗಿ" ಚಿತ್ರದ, "ಉಡಿಸುವೆ ಬೆಳಕಿನ ಸೀರೆಯ.." ಹಾಡಿನ ಧಾಟಿಗೆ ಬರೆದ ನೂತನ ಸಾಹಿತ್ಯ.)

ಒಲವಿನ ಅಲೆಗಳ ಸಾಗರ..
ತುಂಬಿದೆ., ಎದೆಯೊಳಗೆ..
ಇಂದು ಉಕ್ಕಿ ಬಂದ, ಕಾರಣ ಈಗಲೇನೇ ನಾನು ಕಂಡ..
ನಿನ್ನೊಂದು ಹೂನಗೆ....

ಒಲವಿನ ಅಲೆಗಳ ಸಾಗರ......

ನೀ ಬಂದ ಈ ಅಂದದ ದಾರಿ.. ನಿಂತಿಹುದು ಹಸಿರು ಚಿಗುರಿ.,
ಮೈದಾಳಿದೆ ಹೂವಿನ ಕೇರಿ.. ನಿನ್ನಯದೇ ಹೆಸರು ಉಸುರಿ..
ಕನಸಿನ ಮಣಿ ಕಲೆಹಾಕುವ ಬಾ, ಈ ಘಳಿಗೆ., ಈ ಕಣ್ಣಲ್ಲೇ ಮೆಲ್ಲಗೆ....||೧||

ಒಲವಿನ ಅಲೆಗಳ ಸಾಗರ..
ತುಂಬಿದೆ., ಎದೆಯೊಳಗೆ..
ಇಂದು ಉಕ್ಕಿ ಬಂದ, ಕಾರಣ ಈಗಲೇನೇ ನಾನು ಕಂಡ..
ನಿನ್ನೊಂದು ಹೂನಗೆ....

ನೂರಾರು ಚಂದಿರರ ಬೆಳಕಿನ ಕೂಟ.. ನಲ್ಮೆಯ ನೋಟ.. ಮುಂಗುರುಳಲಿ..
ನೀನೇನೆ ಸುಂದರದ ನೆನಪಿಗೆ ಜೋಡಿ.. ಮಾಯದ ಮೋಡಿ.. ಮುಂಬೆಳಗಲಿ...
ನಿನ್ನ ಜಾಡಿನಲ್ಲೇ, ಇನ್ನೀಗ ಎಲ್ಲ ಪಾಡು.. ನನ್ನ ಹಾಡಿನ ದೋಣಿಯ ಬೀಡು ಎಂದೂ ನೀನಿದ್ದಲ್ಲಿಗೆ.....||೨||

ಒಲವಿನ ಅಲೆಗಳ ಸಾಗರ..
ತುಂಬಿದೆ., ಎದೆಯೊಳಗೆ..
ಇಂದು ಉಕ್ಕಿ ಬಂದ, ಕಾರಣ ಈಗಲೇನೇ ನಾನು ಕಂಡ..
ನಿನ್ನೊಂದು ಹೂನಗೆ....||