( ಈ ಹಾಡು, "ಸಂಜು ವೆಡ್ಸ್ ಗೀತಾ" ಚಿತ್ರದ, "ಗಗನವೇ ಬಾಗಿ.." ಹಾಡಿನ ರಾಗದಲ್ಲಿ ಬರೆದ ನೂತನ ಸಾಹಿತ್ಯ..)

ಮನವಿದೋ ಹಾಡಿ, ಹೇಳಿದೆ..ಪ್ರೀತಿಯ ನಿನಗೆ..

ಮುಗಿಲು ಸುರಿದಂತೆ, ಮಳೆಯನು ಧರಣಿಗೆ..

ಪೂರ್ಣಜೀವನವೇ ನಿನ್ನಲಿ..

ಕಂಡ ಭಾವನೆಯು ನನ್ನಲಿ..

ಜೀವದ ಆಣೆ..ನಿನಗೆ ನಾ ಅರ್ಪಣೆ...||ಪ||

ಮನವಿದೋ ಹಾಡಿ, ಹೇಳಿದೆ..ಪ್ರೀತಿಯ ನಿನಗೆ..

ಮುಗಿಲು ಸುರಿದಂತೆ, ಮಳೆಯನು ಧರಣಿಗೆ..|

ಕಣ್ಣಿನ...ನೂತನ...ಪ್ರತಿನೋಟವು ನೀ..

ನಾಳಿನ...ಬಾಳಿನ...ಭರವಸೆಗಳು ನೀ..

ಎದೆಯಿಂದ ಮಿಡಿದು ಬಂದೆರಗಿವೆ, ಹೊಸಬಯಕೆಯ ಈ ಪೂರ..

ಒಲವಿಂದ ಮನದಿ ಸಂದಣಿಸಿವೆ, ಸಿಹಿಮಾಸ  ಶರಧಿತೀರ..

ಜೀವದ ಆಣೆ...ನಿನಗೆ ನಾ ಅರ್ಪಣೆ...||೧||

ಮನವಿದೋ ಹಾಡಿ, ಹೇಳಿದೆ..ಪ್ರೀತಿಯ ನಿನಗೆ..

ಮುಗಿಲು ಸುರಿದಂತೆ, ಮಳೆಯನು ಧರಣಿಗೆ..|

ನಿನ್ನಯ...ಸನ್ನೆಯ...ಅರಿತಾಗಿದೆ ನಾ...

ನಲ್ಮೆಯ...ವಿಸ್ಮಯ...ಅನುಭಾವಿಸಿ ನಾ...

ನನ್ನೆದೆಯ ತಾಪ ಪರಿಹರಿಸುವ, ಹೊಸ ಪ್ರೆಮವೈದ್ಯ ನೀನು..

ನಿನ್ನೆದುರೆ ಖುಷಿಯ ಆವಿರ್ಭವ, ಅದಕಾಗೆ ಕಾದೆ ನಾನು...

ಜೀವದ ಆಣೆ...ನಿನಗೆ ನಾ ಅರ್ಪಣೆ...||೨||

ಮನವಿದೋ ಹಾಡಿ, ಹೇಳಿದೆ..ಪ್ರೀತಿಯ ನಿನಗೆ..

ಮುಗಿಲು ಸುರಿದಂತೆ, ಮಳೆಯನು ಧರಣಿಗೆ..

ಪೂರ್ಣಜೀವನವೇ ನಿನ್ನಲಿ..

ಕಂಡ ಭಾವನೆಯು ನನ್ನಲಿ..

ಜೀವದ ಆಣೆ..ನಿನಗೆ ನಾ ಅರ್ಪಣೆ...||