Friday, December 30, 2011

( ಈ ಹಾಡು, "ಹಾಗೆ ಸುಮ್ಮನೆ" ಚಿತ್ರದ, "ಮಾಯವಾಗಿದೆ ಮನಸು ಹಾಗೆ ಸುಮ್ಮನೆ.." ಎಂಬ ಹಾಡಿನ ಧಾಟಿಗೆ ಬರೆದ ಹೊಸ ಸಾಹಿತ್ಯ..)

ಮಾತನಾಡಿದೆ ಹೃದಯ ಕೇಳು ಮೆಲ್ಲಗೆ..
ಪ್ರೀತಿಯು ಮೂಡುವ ಸಮಯ ತಾಳು ಮೆಲ್ಲಗೆ..|
ಕಣ್ಣ ಸನ್ನೆಯಲ್ಲಿಯೇ ಸೆಳೆವ ಸಾಲು ಮಲ್ಲಿಗೆ.
ಪೂರ್ಣ ಕಳೆದು ಹೋಗಿಹೆ ಕಾಣದೆ ಎಲ್ಲಿಗೆ....


ಮಾತನಾಡಿದೆ ಹೃದಯ ಕೇಳು ಮೆಲ್ಲಗೆ..
ಪ್ರೀತಿಯು ಮೂಡುವ ಸಮಯ ತಾಳು ಮೆಲ್ಲಗೆ..|


ಕಂಡ ಬೆರಗಿನಲ್ಲಿಯೇ ಸೋತು ಕ್ಷಣದಲಿ
ಇಂದೇ ತೆರೆಯುವೆ ಭಾವದ ಬಾನುಲಿ..
ನಲ್ಲೆ ನಿನಗೆ ಮೀಸಲು ಮನದ ಮಾಳಿಗೆ
ನೀಡಬೇಕು ತಂಗಲು, ನೋಟದ ಬಾಡಿಗೆ...||1||

ಮಾತನಾಡಿದೆ ಹೃದಯ ಕೇಳು ಮೆಲ್ಲಗೆ..
ಪ್ರೀತಿಯು ಮೂಡುವ ಸಮಯ ತಾಳು ಮೆಲ್ಲಗೆ...

ನಿನ್ನ ನೆನಪಿನಂದಕೆ ಎಲ್ಲಿ ಪರಿಮಿತಿ..
ಹೂಡು ಖಾತೆಗೆ ಕನಸಿನ ಪಾವತಿ..
ನೀನೆ ಸಾಥಿ ಎಂದಿಗೂ ಎಲ್ಲಾ ದಾರಿಗೆ..
ತಾಣವೀಗ ಮೋಹದ ಮಾಯೆಯ ಊರಿಗೆ...||2||

ಮಾತನಾಡಿದೆ ಹೃದಯ ಕೇಳು ಮೆಲ್ಲಗೆ..
ಪ್ರೀತಿಯು ಮೂಡುವ ಸಮಯ ತಾಳು ಮೆಲ್ಲಗೆ..

ಕಣ್ಣ ಸನ್ನೆಯಲ್ಲಿಯೇ ಸೆಳೆವ ಸಾಲು ಮಲ್ಲಿಗೆ.
ಪೂರ್ಣ ಕಳೆದು ಹೋಗಿಹೆ ಕಾಣದೆ ಎಲ್ಲಿಗೆ....

No comments:

Post a Comment