(ಈ ಹಾಡು, "ಹಾಗೆ ಸುಮ್ಮನೆ" ಚಿತ್ರದ, "ಓಡಿ ಬಂದೆನು ನಿನ್ನ ನೋಡಲು.." ಎಂಬ ಹಾಡಿನ ಧಾಟಿಯಲ್ಲಿ ಬರೆದ ನೂತನ ಸಾಹಿತ್ಯ..)

ದೂರ ಹೋದೆ ನೀ, ಕೊಡದೆ ಕಾರಣ..

ದಾರಿ ಕಾಣದಂತೆ, ಪ್ರಣಯದಂಗಣ..

ಸುತ್ತ ಸುಪ್ತನೀರಲಿ ಒಂಟಿ ನಾವಿಕ... ಈಗ ಭಾವುಕ.....

ನಿನ್ನ ನೋಡದೇ, ಅಂಧ ಈ ಮನ..

ಇನ್ನು ಗುಂಗಿನಲ್ಲೇ, ನನ್ನ ಬಂಧನ..

ಮತ್ತೆ ತೀರದಂಚನು ಕಾದ ನಾವಿಕ... ಈಗ ಭಾವುಕ.....||ಪ||


ಎದೆಯಲ್ಲಿ ಪ್ರೀತಿಶಶಿಯು, ಹೊರತಂದ ಚಂದ್ರಿಕೆ

ಅರಳಿಸದಲೇ, ಈ ನೈದಿಲೆ, ಲೀನಿಸಿತು ಏತಕೆ..?!!

ಹೊಸದೊಂದು ರೀತಿಖುಷಿಯು, ಚಿಗುರೊಡೆವ ವೇಳೆಗೆ

ಒಲವುಣಿಸದೆ ನೀ ಹೋಗಲು ಬಾಡಿಹುದು ಮೆಲ್ಲಗೆ..||೧||


ನಿನ್ನ ನೋಡದೇ, ಅಂಧ ಈ ಮನ..
ಇನ್ನು ಗುಂಗಿನಲ್ಲೇ, ನನ್ನ ಬಂಧನ..

ಮತ್ತೆ ತೀರದಂಚನು ಕಾದ ನಾವಿಕ... ಈಗ ಭಾವುಕ....

ಹಂಬಲಿಸಿ ನಿಂತೆ, ಮುಗಿಲ ಮಳೆಹನಿಯ ಸಾಲನು

ಮರೆಯಾಗಿಹೆ ಪಿಸುಗುಡದಲೇ, ಒಂದಿನಿತು ಮಾತನು..
ಕಂಬನಿಯ ಧಾರೆ ತುಳುಕಿ, ನರಳುತಿರೆ ಜೀವವು,
ಒಡಮೂಡಿದ ಕನಸೆಲ್ಲವೂ, ಒಣಗಿ ಚೂರಾದವು..||೨||


ದೂರ ಹೋದೆ ನೀ, ಕೊಡದೆ ಕಾರಣ..

ದಾರಿ ಕಾಣದಂತೆ, ಪ್ರಣಯದಂಗಣ..

ಸುತ್ತ ಸುಪ್ತನೀರಲಿ ಒಂಟಿ ನಾವಿಕ... ಈಗ ಭಾವುಕ.....