Saturday, May 21, 2011

                           ಆಂತರ್ಯ 
                      
                      ಎದೆಯ ಭಾವದ ಲೋಕ,
                      ಅವಳ ಸ್ಪರ್ಶದಿ ನಾಕ.,
                      ಸಿಂಗರಿಸಿ ಸಂಭ್ರಮಿಪ, ಉತ್ಸವವಿದು..
                      ಹೃದಯಮಂಟಪ ದೈವ,
                      ಕರುಣಿಸಿಹಳೀ ಒಲವ,
                      ತಪ್ತ ಮನಸಿನ, ಪ್ರೇಮಪೂಜೆಗೊಲಿದು...

                      ನದಿದಡದ ತುಸು ಗಾಳಿ,
                      ಬರುತಲಿಹುದಲೆ ತೇಲಿ,
                      ನಿನ್ನ ಕಾಲ್ಗೆಜ್ಜೆ ದನಿ ; ಪ್ರಣಯ ಕವನ..
                      ಬಾಹುವಿನ ಬಂಧನಕೆ,
                      ತೆರೆದು ಹಾರಿದೆ ಬಯಕೆ.,
                      ನಿನ್ನೊಲುಮೆ ಗೂಡೆನ್ನ, ಭವ್ಯಭವನ...

                      ಕಾಲ ಹೊರಳಲು ಸಹಜ,
                      ದೊರೆತ ಭಾಗ್ಯದ ಖನಿಜ.,
                      ಕಡಲ ಗರ್ಭದ ಮುತ್ತು-ರತ್ನದಂತೆ..
                      ಯಾವ ದಾರಿಯ ಬಳಸಿ,
                      ಬಂದೆ ನೀ ನನ್ನರಸಿ !
                      ಸ್ವಪ್ನ-ಚಲನೆಯು ಮೀನಹೆಜ್ಜೆಯಂತೆ...

2 comments:

  1. ಸ್ವಪ್ನ-ಚಲನೆಯಾದರೂ ನಿಚ್ಚಳವಾಗಿ ಎದುರಿಗೆ ಬಂದಂತೆ ಭಾಸವಾಗುವಂತೆ ಬರೆವ ನಿಮ್ಮ ಶೈಲಿ ಅತ್ಯದ್ಭುತ. ಬರವಣಿಗೆಯಲಿ ಭೀಮ ಭಾವನೆಯಲಿ ಕಾಮ ( ಮನ್ಮಥ)

    ReplyDelete
  2. ಆಂತರ್ಯದ ಗುಡಿಯಲ್ಲಿ ಒಲವ ಮಂತ್ರ. ಕಿವಿಯರಳಬೇಕು ಕವಿ ಕಟ್ಟಿದ ಪದಪುಂಜಗಳಿಗೆ. ಅತ್ಯುತ್ತಮ ಪ್ರಸ್ತುತಿ ಭೀಮಸೇನರೆ.

    ReplyDelete